化身「福爾摩軒」爆笑查案 張敬軒：攞出我興趣小組級嘅演技

張敬軒經常在社交網貼家傭「遮遮」的驚喜早餐，平日無啖好食的他日前為美食外賣平台拍廣告，雖然軒仔在廣告中沒有乘機大歎美食，但卻展現喜劇天份，與吳肇軒及「港版周子瑜」吳家忻（Kayan）大放笑彈。

張敬軒在廣告中身穿一件格仔長外套，手上拿着煙斗，扮成福爾摩斯，與變身「華安」的外賣專員吳肇軒身處陰森大宅內，調查Kayan聲嘶力竭嚎哭的原因。鏡頭前的軒仔工作態度專業，在旋轉台上轉身時，每次都有不同的鬼馬表情；鏡頭後的他也不失鬼馬本色，模仿米綫阿姐的鄉音，吳肇軒忍不住即場請教軒仔。軒仔在IG搞笑說：「又係我攞出我屯門良景街坊福利會戲劇興趣小組級嘅演技嘅時間了！」

今次「雙軒」合作拍廣告，發掘出搞笑一面，軒仔說︰「我同吳肇軒好有緣，佢為我嘅歌《百年樹木》擔任MV男主角，今次再合作好開心，估唔到我哋同樣有喜劇細胞，雙軒一出，誰能忍笑，希望日後有機會拍喜劇。」吳肇軒笑說︰「同軒仔拍喜劇，我唔收片酬都唔介意。」

「港版子瑜」犧牲靚樣

Kayan為廣告放下女神形象，配合劇情面容扭曲大喊，她樂於演醜角︰「我拍過唔少廣告，但今次係最大挑戰，我每日都好努力對鏡做戲，有次仲嚇親我阿媽，因為我閂咗燈，對住塊鏡大叫，咁樣先令自己更入戲。」Kayan非常感激吳肇軒教她做戲︰「始終一埋位就會緊張，吳肇軒好有耐性指導，令我信心大增。」

撰文︰倪小珊

美術︰梁政敏