周杰倫8月中環海濱個唱 騙徒假飛換真飛

台灣天王周杰倫原定在前年12月於香港迪士尼樂園開個唱，惟因社會運動及疫情而一再改期，延至今年八月假中環海濱舉行。昨日主辦單位寶輝娛樂老闆謝嘉豪開記者會，透露出現假飛情況︰「有人用化學劑抹去座位編號，然後話收到張飛時已經無咗座位編號，我覺得無可能。（報警？）呢個都係考慮之一。」他指主辦單方有辨識真假門票方法，呼籲粉絲用合法途徑購買門票。

提到台灣近日疫情嚴峻，謝嘉豪指個唱未有任何改動，又透露周杰倫到時會聯同百多人的台灣樂隊結伴到港，並已有心理準備要隔離21日。提到粉絲苦等演唱會兩年，謝嘉豪表示為回饋粉絲，特別推出消費券之外，亦會送出兩套周杰倫的絕版黑膠碟作抽獎。

攝影︰林良明