拒答背男友同翟威廉過夜 麥貝夷︰控制唔到人講乜

歌手麥貝夷早前大爆前男友性伴多得驚人，外間矛頭直指她的緋聞男友翟威廉；其後麥貝夷好姊妹裕美更被拖落水，但裕美強烈否認指控，更暗示麥貝夷男女關係混亂。麥貝夷昨日現身公開活動，被問到跟裕美是否朋友？她即語帶相關暗示會帶眼識人。

麥貝夷昨日到紅磡出席直播節目探班，她承認前男友Edmond是由裕美介紹，但對於裕美暗示她與Edmond拍拖期間仍與翟威廉過夜，她避談表示︰「感情係兩個人嘅事，只有當事人最清楚，我都控制唔到人講乜。Edmond係好男仔，但之後分手，我同裕美都已經無再聯絡。」麥貝夷又指跟裕美是多年朋友，大家互相幫助，也不會計較，就像當初對方經歷幾段感情，她亦曾在社交網維護對方。

要驗眼識朋友

因為感情瓜葛而與裕美反目，問麥貝夷跟對方是否不再是朋友？她說︰「我哋好少聯絡，相聚到就相聚，相聚唔到就停一停。」至於日後可會帶眼識人？她即煞有介事稱︰「要check一check副眼鏡，check下個度數。」另外，麥貝夷透露有朋友投資開拍微電影和錄歌，並邀請她演出，但強調該友人並非男朋友，她亦希望第一首歌《前度》可以參與其中，問到歌曲是否語帶相關？她說︰「我希望將來好似第二首歌《勾手指尾》咁幸福。」

攝影︰林良明

美術：梁政敏

撰文︰倪小珊