難忘唱歌走音被噓 何婉盈獲劉華鼓勵勁感動

現年49歲的何婉盈（Elaine），相隔30年再闖樂壇，翻唱劉德華歌曲《情感的禁區》。日前Elaine接受電台訪問，透露20歲時選港姐後獲無綫力捧，唱歌更獲叱咤新人獎，歌曲《再見亦是朋友》紅遍K場，但當年歌星夢竟「一碟玩完」。

Elaine坦承當年獲新人獎時演出走音，令她受盡批評︰「當年我雞仔聲，歌未練好就要入錄音室。今次唱華仔嘅歌，因為佢係我人生第一個偶像，我好記得攞新人獎時表演唔理想被人噓，華仔喺後台拍一拍我膊頭，同我講『人生有高有低係必經過程，無問題嘅，你加油』。當時我非常感動，唔知道華仔記唔記得，但我記到今日。」