王子威嚇不准剪髮 鄧麗欣警告︰唔好刺激我

鄧麗欣（Stephy）日前在社交網預告想剪短留了多年的長髮，但遠在台灣的男友邱勝翊（王子）即要脅她說「不要鬧喔」。面對霸氣男友，Stephy昨日無退縮，更一臉得意洋洋說︰「佢嚟唔到香港做得啲咩？」

鄧麗欣與顧定軒（Zeno）昨日分別以榮譽顧問及揹水大使身份，到昂坪市集出席「點滴揹水Walk & Run 2021」啟動禮。連續七年參與活動的Stephy，大讚Zeno靚仔又可愛，更揚言因私心所以推薦Zeno擔任是次活動大使。問到男友王子是否更靚仔？Stephy笑指二人不同類型，她又謂跟王子已近四個月沒見面，但早習慣相隔異地，她說︰「都無辦法，王子拍緊戲，大家都有嘢做係好啲嘅。」

認同與容祖兒撞樣

提到被王子公開禁止剪短頭髮，Stephy坦言男友喜歡她長髮，但自己很想嘗試短髮滋味︰「佢極力叫我唔好剪，仲話『你試下吖』，我就好想試下，佢依家嚟唔到香港做得啲咩？不過我未有呢個衝動。」問Stephy是否不敢「抗旨」？她笑說︰「佢唔好刺激我，通常受到刺激先會剪短髮，所以唔好刺激我，哈哈！」另外，早前Stephy的自拍相被指與容祖兒撞樣，Stephy笑說連自己都覺得似，還透露祖兒因此私訊自己，不過走在街上就從未被認錯。

撰文︰倪小珊

攝影︰林良明

美術︰梁政敏