Anson Lo賺第一桶金買頸鏈送母親

男團MIRROR成員盧瀚霆（Anson Lo）昨日到銅鑼灣出席活動，談到演唱會加開至六場，Anson開心之餘亦擔心體力能否應付。他表示︰「希望體力可以持續到咁多日，因為個騷九成又唱又跳，都驚體能方面吃力，又驚個樣會殘，影響視覺就唔好。」演唱會門票被搶購一空，Anson表示有小學及中學同學找他求飛，可惜內部認購門票不多，他也愛莫能助。

另外，Anson與其他成員昨日各自有活動，承認今次淨袋酬勞的他，笑稱是賺到第一桶金︰「每個人一桶金嘅價值都唔同，我當一萬蚊已經係，媽咪睇中咗條頸鏈，打算開騷後買畀佢，我都想買飾物送畀自己。」