馮盈盈︰夥拍阿姐主持新春節目

馮盈盈於2016年當選港姐後，工作量接踵而來，她最記得還未卸任就被安排跟「阿姐」汪明荃一同主持大年初一新春節目，「當日好緊張，第一次就夥拍阿姐喎，接七點通告，我六點半已返到電視城等，化粧間都未開燈呀，新年真係唔想有任何閃失，最開心就係做完節目，阿姐請大家去佢屋企團拜，仲整咗好多嘢畀大家食！」

相隔四年，盈盈今年又再獲安排擔任大年初一新春節目司儀，再度與汪阿姐合作，她對自己的表現充滿信心，「我會愈做愈好，證明呢幾年唔係白過嘅。」