娛圈新丁開工難忘事 滕麗名摸唐寧大髀手震震

很多事情的「第一次」都十分難忘，正如每個演員入行都會經歷到片場拍攝第一個鏡頭、第一次開咪做DJ等。滕麗名加入大銀幕的第一天拍攝就要摸女演員大髀，Bob第一日開咪更收到震驚娛樂圈的噩耗，而火速上位的周嘉洛一出鏡就做路人甲的指定動作--被亂槍掃射，亦有幸運如馮盈盈傍着汪阿姐做主持。就讓他們跟大家回味入行第一日的經歷吧！

滕麗名早於拍劇前已進軍大銀幕，回想當年接拍《四個32A和一個香蕉少年》還是新人，緊張到不得了，她說︰「真係好驚，因為完全無演戲經驗，又未接觸過呢一行，對住鏡頭唔知點做，加上我又剪咗個skinhead，得半吋頭髮，成個人好不安，成個男仔咁要調戲女仔喎！第一場戲就要摸江麗娜（唐寧）大髀，『死啦！佢會唔會以為我係同性戀者㗎？』一開工就被安排摸女仔大髀，好得人驚，驚足一日呀！」

不過，阿滕大讚有份參與製作的陳可辛相當溫柔，耐心地教她演戲。問到阿滕可記那場戲NG幾多次？她就說︰「唔記得了，但肯定唔多，當年仲係用菲林，菲林好貴㗎嘛！」

採訪︰Pauline

美術：梁政敏