偶像蔡一傑送吻 50歲阮小儀欣賞自己年齡

阮小儀主持的《小儀與13型男》將於明天（20日）播出最後一集，小儀請來偶像蔡一傑壓軸登場，跟對方浪漫約會；小儀透露人生首次參加的偶像聚會便是蔡一傑，她說︰「幻想會成為另一半嘅人，真係只有佢，因為感覺好近，年紀上唔會差好遠，同佢好親近。」

在小儀心目中，蔡一傑事事追求完美，「佢唔可以有錯誤，喺能力範圍裏做到最充足嘅準備，令件事出嚟係靚。」不過她卻認為，若果身邊另一半是「完美型」，定必會有壓力：「身邊人追求完美嘅話，做隔籬嗰個一定幾辛苦，但若然愛呢個人，都會盡量配合，盡量做到自己又開心，佢又開心。」節目中，小儀送了一隻親手製造的戒指給蔡一傑，逗得他非常開心，更在鏡頭前親吻小儀臉頰，令她暈晒大浪。

小儀問蔡一傑渴望哪一種感情生活？他表示︰「無渴望、無寄望，總之盡量享受生命，感情生活唔重要，最好有，不過無亦無妨。」至於甚麼人會吸引到蔡一傑？他說︰「健康型，好似歐鎧淳，膊頭又橫、又夠高、樣子又甜美、腳又長。」

追求平實愛情

現年50歲仍然單身的小儀，跟13位型男士約會後，有不同的體會︰「由始至終都追求愛情，依家追求平實啲嘅愛情。我仲未結婚，世俗眼光會話我嫁唔去、無人要，但我唔係咁睇。我反而會愈來愈欣賞自己呢個年紀，喺40幾歲開始，就已經有呢種感覺。每一年都會欣賞自己嗰個歲數，因為代表有所成長，我嗰一年所吸收到嘅嘢，都可以畀到對方。」所以小儀相信她將來的男友，會幸福過她以前的男友。

撰文︰倪小珊

美術︰梁政敏