金城武被爆表面勁Cool內心幽默

金像獎美術指導文念中日前接受《1圈圈星光背後》主持梁泰來訪問，91年入行的文念中先後與不少大導演及巨星合作，當中2000年參與由張艾嘉執導，金城武和梁詠琪（Gigi）主演的《心動》，就讓他首次摘下金像獎最佳美指殊榮。

談及被形容cool絕娛樂圈的金城武，文念中說︰「金城武係好cool，我就睇住佢唔同時期嘅轉變。首次同金城武合作係《墮落天使》，嗰時佢仲未爆紅，到片場會唔出聲，唔同人傾偈，最愛匿埋一邊彈結他唱歌，但你唔覺得佢係擺架子；到拍《心動》時佢已經紅到不得了，最記得喺日本拍佢與Gigi嘅一場戲，佢忽然將拍劇用嘅公事包掟畀我，我心諗有無搞錯，佢就對我笑了一笑，其實佢係同我開玩笑，表面好cool，其實都有幽默一面。」