羅冠蘭難忘達哥借手巾解窘

羅冠蘭與吳孟達是無綫藝員訓練班同學，羅冠蘭前晚在節目中談到與達哥的難忘事︰「記得有一年聖誕party，我拎住一碟雞翼沙律企喺度食，唔小心成碟嘢倒落個身，搞到件衫污糟晒，其他同學無發現，只有達哥好有風度，遞上一條乾淨嘅手巾畀我抹，我抹完條手巾污糟晒，佢接番隨即放入褲袋，成個過程我覺得好感動。」

至於關禮傑在《新紮師兄》中跟達哥初次合作，當時他與梁朝偉等是新人，而達哥已是一位資深的前輩。關禮傑說：「達哥會一齊講笑，但都會教我哋同鬧我哋，最勁係佢演戲時好嚴肅，令大家好容易入戲，我視達哥係大師兄。」他透露近年與達哥到內地拍戲：「最令我感動嘅係，達哥對其他演員好貼心，知道天氣嚴寒，會買羽絨送畀劇組人員及演員。」

攝影：林良明