夢飛行垃垃雜雜│林超榮拚搏半生買三層樓送女兒 晚年激減廿磅為花天酒地？

編劇出身的林超榮近日為《夢飛行垃垃雜雜》YouTube Channel擔任主持，跟陳淑蘭（蘭子)、梁榮忠及經理人Connie一齊傾偈做節目。林超榮有感去年突然失去很多老朋友，所以更居安思危，想想臨終前有甚麼事情希望做到，蘭子認為人生應該及時行樂，她說：「諗嚟做乜嘢？如果我長命，當然好開心，但如果為咗咁而要節衣縮食，但最終原來我去唔到咁遠，咁我咪蝕囉？人生要平衡，時時懷住聽日就走嘅心情。」

56歲繼續獨身│梁榮忠享受單身不習慣二人生活 聽司儀講親兩句說話就無名火起【下一頁】

{{hket:inline-image name="wing2.jpg"}}{{/hket:inline-image}}

梁榮忠沒有結婚保持單身，問到他終日努力賺錢，將來是否打算死後捐身家？梁榮忠說：「我唔覺得我哋死咗之後先要捐錢出去，咁樣太遲，我一直都有做。（唔想豪情揮霍一次？）冇，過咗50歲，生活水平唔會突然之間改變，有時食茶餐廳一日，或者行公園一日都好好。輕輕的來、輕輕的走，不帶走一點雲彩。我嚟呢個世界冇人認識我，希望我走時都冇人認識我，所以晚年一定唔會留喺香港，香港冇辦法得到一份清晰自在生活，感恩入行30年，面容搵到一餐晏，年老時想回歸簡單嘅生活。」

至於林超榮是當中已婚並育有下一代，他的想法大為不同，「我前半生努力搵銀，除咗供書教學之外，仲留咗物業畀啲女，盡晒責任。三個女有三個物業，身為老竇我都覺得幾掂，有幾舊嘢畀佢哋。」蘭子和Connie都大讚他是慈父，反而梁榮忠不認同，「我覺得佢做得唔好，香港最難嘅事係搵地方住，你令到三個女冇咗人生目標。」

林超榮認為三個女兒擁有物業之後，可以無後顧之憂去做想做的事，問到他是否人生無憾了？他說：「大吉利是講句我覺得都幾不錯，我向來都係不求做好，只求做到，呢個目標唔係好啱，但我覺得幾開心。我人生目標就係想拍戲，做導演、做節目主持、編劇、監製，而家做埋KOL，咁都好好彩，做晒。」

(點擊圖片放大)

移居大馬做少奶奶│張鳳妮患新冠肺炎靠自律無惹家人 「幸好我係香港人好敏感」【下一頁】

林超榮認為免得將來痛苦，惟有而家辛苦少少，保養好好身體，近來成功減走20磅，笑言︰「我本身打算搞掂晒三個物業，就去一個地方花天酒地，後生時做過但唔夠喉嘛，點知原來有心冇力，遇上COVID-19，花天酒地都要搵老友呀嘛，大家都有心無力。」其太太是專欄作家屈穎妍，兩人婚後育有三個女兒，他們不時在社交平台分享生活照。

(點擊圖片放大)

責任編輯：楊安莉