久未露面的張鳳妮移居馬來西亞24年，在當地結婚生三女後落地生根，不過偶然都會返港探望圈中好友，今年54歲的張鳳妮保養得宜，早前她接受完同屆參選佳麗林穎嫺的YouTube頻道訪問，交代自己都有計劃開YouTube，分享自己的生活和教大家煮馬來西亞菜，不過她揚言自己比較懶，未知是否會成事。
【被譽為最高質的87年香港小姐】林穎嫺訪問張鳳妮談過埠新娘生活 計劃搵齊同屆港姐網上重聚【下一頁】
(圖片：《MrYeung楊Sir頻道》YouTube截圖)
(圖片：《夢飛行垃垃雜雜》授權YouTube截圖)
(圖片：《夢飛行垃垃雜雜》授權YouTube截圖)
(圖片：《夢飛行垃垃雜雜》授權YouTube截圖)
(圖片：《夢飛行垃垃雜雜》授權YouTube截圖)
原來張鳳妮講得出做得到，她在好友Connie的YouTube頻道「夢飛行垃垃雜雜」中上載兩條片段，一段是她在馬來西亞大宅中簡介自己的近況，而另一條則是親自走入廚房，教大家煮「馬來西亞魚塊米粉」，入得廚房出得廳堂，影片大受歡迎，加起來有8萬人觀看。張鳳妮在片段中解釋：「呢個頻道嘅負責人Connie係我中學師姐同朋友，佢同我傾開，覺得既然我嘅小朋友都開始長大，開始得閒，可以諗吓有咩夢想係未完成，我自己諗嚟咗馬來西亞廿幾年，到底做咗啲咩呢？日日忙忙碌碌，接啲女放學、學網球、學琴等等，完全冇編排自己，生活只圍繞女兒、老公、老公的家人。」鳳妮透露三個女兒，大女差不多21歲，細女都15歲，大女同二女早已在英國讀書獨立生活，她說：「依家算叫得閒啲，係時候諗吓自己有咩夢想或者有咩想做，以前夢想就係演戲，做藝人生活多姿多彩，當年我1996年底嚟馬來西亞，連雙子塔都未起好，感覺好落後，我由藝人到做師奶，由睇時裝雜誌、八卦雜誌轉睇烹飪、育嬰書，雖然唔算好叻，但有少少心得，而且我奶奶煮嘢食好叻，老公係檳城人，可以教大家做馬來西亞小食。」
(圖片：《夢飛行垃垃雜雜》授權YouTube截圖)
影片中，張鳳妮以淡妝示人，穿上背心，無論容貌和身材都保養非常之好，而她跟三位千金的合照曝光，張鳳妮三位女兒都遺傳到媽咪的優良基因，非常有氣質，望落似足四姊妹。
52歲張鳳妮近照似少女 保持靚樣只靠一樣嘢？【下一頁】
(圖片：《夢飛行垃垃雜雜》授權YouTube截圖)
(圖片：《夢飛行垃垃雜雜》授權YouTube截圖)
張鳳妮在1987年香港小姐競選中獲得「最受佳麗歡迎獎」入行，一直主力拍劇，拍過《他來自江湖》、《餐餐有宋家》、《天地男兒》、《婚姻物語》、《苗翠花》等劇集而為人熟悉。96年張鳳妮到馬來西亞發展，遇上現時的丈夫，兩人很快就結婚，而張鳳妮亦答應丈夫不再接觸幕前的工作，推晒所有劇集，專心做家庭主婦。
張鳳妮在《餐餐有宋家》演出。(圖片：網上截圖)
(圖片：網上圖片)
(圖片：《1987年香港小姐競選準決賽》電視截圖)
(圖片：《1987年香港小姐競選準決賽》電視截圖)
(圖片：《1987年香港小姐競選準決賽》電視截圖)
(圖片：《夢飛行垃垃雜雜》授權轉載)
責任編輯：楊安莉