落多區派口罩物資 瑪姬心痛露宿伯伯斷手

藝人瑪姬繼去年三月捐出2,000個口罩後，趁農曆新年將至，再次私人捐贈6,000個口罩，派發物資予基層市民。瑪姬與「中華關愛長者福利協進會」的一日內走訪多區，探望梨木樹隧道內露宿的婆婆、洪水橋寮屋區家庭、西灣河隧道口露宿的伯伯及柴灣劏房戶。

上年派發口罩之後，瑪姬表示即使想做義工亦遇到不少困難，她稱︰「由於有限聚令，我唔可以再擺街站派發物資。今次喺網上見到呢個協進會原來定期探訪基層家庭，佢哋收到嘅善款同物資，唔會扣除任何成本，全部轉交受惠者，所有義工都係落手落腳行善，我主動聯絡佢哋嘅義工，一齊參與。」

願迎來溫暖牛年

這次歷時六小時的探訪，瑪姬最深刻的是深入洪水橋寮屋區接觸30多戶家庭。另外，西灣河隧道口露宿伯伯的遭遇，亦令她相當感慨：「個位置近海好大風，我問義工點解伯伯唔揀另一個無咁大風嘅地方瞓，原來之前伯伯瞓喺隧道入面，畀人打斷右手，仲偷埋副假牙同食物！我哋即刻去附近超級市場買過其他物資畀佢，希望今次唔好再畀人偷走！」至於其餘的口罩，瑪姬感謝安徒生會的義工於日前代為派發給南丫島的長者和家庭，她期望這一點小心意能為有需要人士迎來溫暖的牛年。

撰文︰倪小珊

編輯︰黃卉彤

美術︰梁政敏