半年無拍拖陳靜公開徵男友

久未露面的陳靜（Dada）昨日出席好友鄧洢玲（阿旦）的概念餐廳開幕禮。Dada自言無工開幾個月，幸好下月將拍攝一部警匪片。Dada去年入圍美國電影網站「全球百大美女排行榜」，她說：「今次有得提名好開心，本來約朋友慶祝，但係最尾都落選。對上一次入圍係2012年《低俗喜劇》，排第44位。」提到感情生活，Dada即叫大家幫她公開徵男朋友：「我半年無拍拖，疫情下見人都少咗，惟有等緣份，我到咗適婚年齡，又鍾意小朋友。朋友仲問番我有無男仔介紹，但其實我都無貨。」

另外，老闆娘阿旦在逆市下投資過百萬開店，她笑言已將「姑婆本」全數拿出來：「目前美容按摩業未有消息重開，晚上六點後又無堂食，暫時做住外賣生意，好彩我哋有狗狗專區，好多愛狗之人都帶寵物嚟玩。」她本身經營按摩店，坦言幸好獲業主減三成租金度難關。

採訪︰Pauline

攝影︰林良明