Keep住無添加美貌演新劇 47歲楊恭如勁似陳秀珠

有「最美麗亞姐」之稱的楊恭如，其無添加高貴靚樣一直獲讚，不過她自01年後再沒有拍攝港劇，令粉絲相當掛念。她有份演出的內地愛情宮鬥劇《東宮》將於下周三在香港開電視播出，不少網民看過劇照，大讚現年47歲的楊恭如keep住天然靚樣，有網民更覺得她勁似陳秀珠！

內地劇《東宮》由新晉演員陳星旭與彭小苒主演，港人熟悉的羅嘉良及楊恭如亦有份演出，將在本月27日（下周三）晚上9:30首播。《東宮》斥資兩億人民幣拍攝，劇集遠赴敦煌、灞上拍攝沙漠外景，劇集改編自作家匪我思存同名小說，於2019年新浪影視綜盛典獲「年度十大劇集」，同時在2019 bilibili年度影視榜亦獲「焦點劇集」第二位。

在劇中飾演和親公主的楊恭如，古裝扮相依然美艷，令不少觀眾驚訝她十年如一日，特別欣賞她沒有在臉上「加工」，靚得優雅。有網民翻出楊恭如前年上內地美容節目的片段，大讚她keep得好，更指她跟22年前《我和殭屍有個約會》的王珍珍一樣咁靚，網民留言大讚她「好過嗰啲filter到鬼五馬六嘅藝人」、「佢呢種靚係屬於佢依家呢個年紀」，讚賞不絕。

分享駐顏秘方

有網民更指現在的楊恭如，跟港姐出身的美魔女陳秀珠愈來愈似樣，尤其兩人的眼睛特別相像。楊恭如於節目上分享自己的駐顏術：「除咗會落粧落得好徹底，我每兩至三日就會敷下面膜，最重要係過自己想過嘅生活。我發覺到好多人都喺一個自己唔鍾意嘅環境下生活，真係好大壓力。」她表示活在一個自己喜歡的狀態，就是她成為一個「精緻」女人的心得。

撰文︰Pauline

編輯：李潔盈

美術：梁政敏