暖男護花 林奕匡「以身相許」幫小儀擋狗

阮小儀在香港開電視節目《小儀與13型男》中，最新一集邀請林奕匡擔任小儀的約會對象。二人到狗場做義工時，有大狗「胸襲」小儀，林奕匡立即挺身而出，以肉身擋在小儀前面，小儀立即心心眼，大讚林奕匡是真正暖男。

節目中，林奕匡帶小儀到「毛孩守護者」做義工，二人一起洗狗籠、拖地及帶狗散步。當小儀餵狗狗食零食時，突然被狗狗「胸襲」，林奕匡見狀立即擋在小儀前面，隔開小儀和狗狗。小儀感動地說︰「佢幫我擋住啲狗、保護住我，其實佢都好奀，論身形橫度，我仲橫過佢，但佢用身體保護住我，令我覺得好warm。」

獲小儀大讚是99分暖男，林奕匡說︰「大部分人都唔會刻意咁講我，但我覺得自己都有少少體貼，亦會為對方諗好多嘢，不過仲有好大進步空間，唔敢話自己係暖男，但都應該係『微暖』啦。」問到平日對太太李靄璣是否同樣窩心？他甜絲絲說︰「未必每日都做到，但自己會花時間、心機去畀驚喜對方。」

憑歌寄意追回太太

提到林奕匡當年事業未及李靄璣，他坦言從不覺自卑，但透露二人差點因事業問題分手。他說︰「13年我有計劃出碟，可能係最後一次，佢（李靄璣）擔心我哋將來，話要考慮應唔應該繼續一齊，我當時同佢講『你估我唔想你幸福咩？無論我係咪你另一半，我都希望你快樂，但我一無所有，我最珍貴嘅就係你』。」冷戰第二日，他將《Don't You Remember》的歌詞送給女方，最後二人克服難關復合。

撰文、編輯︰李潔盈

美術︰顏玉玲