視后踩過界？ 蔡思貝恨唱歌：畀條生路行下

劇集《踩過界II》及《反黑路人甲》在台慶頒獎禮上獲得多個大獎，兩劇演員王浩信、蔡思貝、張振朗、賴慰玲、朱敏瀚及蔣家旻等，昨日於電視城向幕後工作人員派發禮品包，以答謝大家支持。

獲得雙料視帝的王浩信表示沒有慶祝，問到寶貝女可有買蛋糕慶祝他得獎？浩信說︰「無買，我好少食甜嘢，阿女都有恭喜我，戥我得獎開心。」至於榮登視后的蔡思貝，提到緋聞男友胡鴻鈞首奪「最受歡迎男歌星」，思貝開心說：「佢第一次攞，戥佢高興！（但與周柏豪瓜分獎項？）係開心分享，我哋並肩作戰，一齊攞獎，佢代表音樂範疇，自己就代表演藝方面。」

對於胡鴻鈞隔空「呼籲」思貝不要唱歌，免得搶他飯碗，思貝笑說：「佢做乜咁無自信！佢係唱歌小王子，我唱歌都係玩下啫，畀條生路行下。（會否相約慶祝？）大家係朋友都會食個飯，AA制啦！」另外，有傳思貝搭上周焯華（洗米華）拍檔Sam，她再次否認︰「我一貫作風唔係事實唔回答，希望大家睇到我努力工作。」

賴慰玲狂Loop得獎片段

張振朗與賴慰玲於台慶頒獎禮分別奪得「最受歡迎電視男角色」及「最佳女配角」，原來二人至今仍不停翻煲得獎片段，賴慰玲取笑張振朗︰「你當晚全程眼濕濕，嗰晚的確係幾深刻嘅。」振朗笑言喊足一晚很累，賴慰玲更揚言喊到暈，因為場面實在太感動。另外，張振朗被前空姐YouTuber批評見高拜見低踩，他只說︰「我唔係啲咁嘅人，一向以來我都係做好自己、尊重別人，人哋就會尊重你。」

採訪︰Pauline

編輯：李潔盈

美術：梁政敏