陳自瑤謎之表情代表「好大件事」？ 廿年前男友抽水:個樣係完全失望

陳自瑤（Yoyo）意外成為《萬千星輝頒獎典禮2020》嘅焦點，因為佢老公王浩信攞到「最佳男主角」時罕有多謝Yoyo，不過當鏡頭轉到去Yoyo身上嘅時候佢嘅表情非常之耐人尋味，絕對唔似一般人替另一半開心嘅反應，亦因為咁，佢同王浩信多年嘅離婚傳聞再次被擺上枱面，大家都討論到好似瞓喺佢哋床底咁，非常Juicy！

{{hket:inline-image name="11bbdf20-90bc-456f-9c21-bc647aaa2a41_600.jpg"}}{{/hket:inline-image}}

喺事件發生咗一個星期後，就連佢廿年前嘅男朋友阿感（黎國輝）都出嚟「抽水」。阿感同梁梓禧尋日上載咗以「分析Yoyo黑面真相」為題嘅節目上佢哋嘅channel，二人根據自己對Yoyo嘅認識，剖析佢黑面嘅原因。

{{hket:inline-image name="123993003_184014293337836_5093328626001080462_n.jpg"}}{{/hket:inline-image}}

Yoyo 2004年初出道時與阿感合作廣播劇，兩人因此擦出火花拍拖，男方更推薦女友任港台客席DJ，二人拍拖7年後分開。阿感指自己同Yoyo拍拖多年，頒獎典禮上嘅表情佢見得好多：「其實同佢一齊咁多年，佢always都黑面。」梁梓禧當時亦認識Yoyo，因為阿感嘅關係亦經常見到Yoyo，佢亦附和阿感：「都係……我同佢溝通唔到，好怕處女座，佢好處女座。」

之後梁梓禧叫阿感以前男友身份分析，點解Yoyo當晚會咁嘅反應，阿感答：「我做錯啲咩佢會咁樣呢……呢件事要去鬧佢屋企人都唔得，要去到好大件事，去到關乎佢個人利益……佢完全失去信心、安全感，完全失望。」梁梓禧續指感覺夫妻二人感情一定有問題，更指相信佢哋夫妻住同一大廈但唔同單位嘅傳聞。

（↓點擊圖片放大↓）

梁梓禧又提出另一可能性，指Yoyo係故意露出呢個表情引起大家熱議「炒人氣」，而阿感都表示同意：「發生喺陳小姐身上係有可能，佢事業心好強。」

撰文：黃蘊姿