茶飲店疫市好生意 劉威煌每月淨袋4萬

《超級巨聲》出身的劉威煌，近年轉戰商界，開設三間台式奶茶店，如今在疫市下，生意不但未受影響，有錢賺之餘，更將開設第四間分店。不過他謙稱生意只是「打個和」，又指現時租金下調，更適合做小生意。

劉威煌前晚在觀塘舉行網上音樂會，他表示自去年四月開始，每星期都會開live show，並將於4月30日於旺角麥花臣場館開一場演唱會。他自言去年已售清門票，但擔心疫情下能否順利開騷：「我訂咗四日場地，當然我想full house坐滿觀眾，但如果入座限制坐一半人，咪分開做兩場。開唔成就寧願押後，我自己染病都算，但唔想連累人，萬一爆發演唱會群組就大件事。」

5月再開分店

劉威煌坦言收入受疫情影響，但慶幸早年投資開台式奶茶店，三間分店生意不俗，不但無裁員，他每月更淨袋四萬元收入。他透露正籌備五月在將軍澳開第四間分店：「間舖打個和，我有少少人工咁。好多人覺得呢個時候開分店會唔會好冒險，但其實依家市道唔好，租金相對地應付到，做生意成本都降低。」另外，提到許廷鏗奪叱咤男歌手金獎，劉威煌戥對方開心，更大讚對方是「巨聲幫」中最叻仔的一位。

採訪︰Pauline

編輯：李潔盈

美術：梁政敏