劉佩玥拍劇等埋位險墮崖

劉佩玥（Moon）近日與丁子朗趕拍新劇《把關者們》，連日來拍攝外景，過程尚算順利，然而Moon昨日在社交網上載其座駕車尾於崖邊的黑白照，更自爆差點連人帶車跌落水。她重提這段驚險一刻︰「如果唔係丁子朗及時叫停我，我會連人帶車跌咗落去，好似啲電影咁慢慢沉落水底。感謝神，英雄在身邊，多謝你呀丁丁！」事緣劇組在清晨時分於郊外拍外景，未埋位前，兩人各自在車上等候。劉佩玥的座駕停泊在斜坡上，丁子朗發現Moon的車像是緩緩溜後落斜坡，丁丁見狀立刻通知她，幸好及時制止意外發生。

劉佩玥昨晚回覆《晴報》，她說多謝大家關心，並表示：「經過一晚已經驚完，我平日係一位安全駕駛者，但以後會加倍小心，真係要多謝丁子朗及時相救，佢係我嘅天使，好彩佢真係趕得切叫我。丁丁真係好好人，我讚佢，多謝佢，佢反而成塊面都紅晒。」