陳蕊蕊演舞台劇唔准男友捧場

陳蕊蕊前晚主持直播帶貨節目，分享潮流及美容資訊，首次做直播的蕊蕊自言心情緊張。蕊蕊參演的舞台劇《戀上十二星座》受疫情影響而四度延期，現時押後到明年一月底公演，她說：「其實康文署都話無得再延期，不過我有信心可以如期公演，因為開始有疫苗。」她表示舞台劇延期反而令她有更多時間排練。

提到蕊蕊與圈外男友蜜運中，屆時會否叫男友包場？她笑說：「有啲朋友好好，買咗好多飛，不過有啲比較close嘅朋友，我反而叫佢哋唔好嚟，因為我會好緊張，驚到時會甩轆，都叫咗男朋友唔好嚟。」與男友拍拖兩年，蕊蕊坦言彼此談過結婚計劃：「我哋有共識想專注工作先，香港環境麻麻，自己經濟狀況又未穩定，所以都無以前咁憧憬結婚生仔。」

攝影︰林良明