同翟威廉密會？ 陳庭欣：仲有另一個男人

過氣緋聞情侶陳庭欣（Toby）與翟威廉，日前被拍到在私竇密會，Toby更被指背住富貴男友楊振源翻撻翟威廉。二人昨日齊齊獲無綫頒發十年服務獎，趁機否認密會傳聞。翟威廉解釋：「其實係羅浩銘喺台慶夜贏咗五萬蚊，所以請我哋食飯。佢當日精心挑選請咗三個人，但因為限聚令同餐廳早收，食完飯就去咗我間酒舖。」他們一唱一和，講笑指懷疑是羅浩銘放料給傳媒，以換取報料費補貼食飯錢。

Toby表示男朋友早知她相約翟威廉食飯，翟威廉亦指他們的緋聞傳足十年，自己早已沒所謂。盡快找個真命天女平息緋聞？翟威廉說：「都有人咁講過，但我想以工作為主，我要求都高，希望另一半最好識唱歌同品酒，可以幫我打理酒舖。」

攝影：林良明