新婚袁偉豪幾時生B要睇張寶兒

袁偉豪大前日才迎娶張寶兒，他只休息一日便開工，昨日現身宣傳《使徒行者3》，獲大會送上一張結婚賀卡。提到成為人夫的心情，袁偉豪說：「結咗婚第二日就做番普通人，我只同劇組請咗兩日假，婚後要即刻開工拍新劇《把關者們》。」

袁偉豪表示待疫情過後，才會考慮度蜜月，也希望補辦晚宴跟親友慶祝。至於造人大計，期待做爸爸的他表示會以老婆為先，他說：「造人暫時唔諗住，因為寶兒想再享受一下演藝事業，唔想打亂佢嘅工作計劃，除非有意外驚喜，其實我都係睇佢（寶兒），我哋都好鍾意小朋友。（製造『意外』？）好難講喎！不過唔會嘅，呢方面我好小心。」

攝影：林良明