傳謝安琪與Juno鬧不和 張繼聰笑笑口：唔關我事

張繼聰、張建聲及栢天男昨晚出席新片《逃獄兄弟》首映禮，電影下月初上映，會否擔心疫情下戲院要再次關閉？阿聰坦言有此憂慮，希望幾部新片都守得住。有報道指阿聰太太謝安琪（Kay）遲遲未能成功減磅，纖體公司決定跟她終止合約，損失達七位數字，阿聰回應︰「嗰啲報道係有唔真實嘅地方，我唔回應喇，工作上嘅嘢等佢交代啦，其實佢對自己嘅工作一直都好認真亦好專業，我都唔會干涉。」

至於有傳Kay跟老闆麥浚龍（Juno）關係決裂，阿聰笑言︰「呢啲更加唔關我事啦，身為老公，我主要就係確保同佢嘅夫妻關係融洽，相親相愛。（Kay心情可有受影響？）令到佢嘅心情長期愉快都係我嘅責任，其實佢處理呢啲事都好成熟，唔需要理會外間嘅睇法。」

攝影：林良明