唔認趕鼠年娶湯洛雯 馬國明︰無時間求婚

馬國明與湯洛雯（靚湯）拍拖未夠一年，已多次傳出好事近。近日有指馬明向靚湯求婚成功，更想趕及明年一月成婚。馬明昨日孖胡定欣及唐詩詠等出席《白色強人II》記者會時，否認婚訊，更表示有好消息會親自公布。

馬國明、胡定欣、唐詩詠、郭晉安及陳豪等，昨日一身醫生造型出席《白色強人II》活動。今次三大視帝及兩大視后齊集新劇，新加盟的定欣角色非常強勢，除了與郭晉安在事業上對立外，更會介入馬明與唐詩詠的戀情。

定欣笑說：「我同馬明之間係有啲感情伏綫，不過第一輯馬明同詩詠嘅感情好穩固，至於我係咪拆散佢哋，我都同監製講千祈唔好，我本身就唔想做壞人。」馬明表示今輯會交代他與詩詠的感情為何出問題，定欣又說：「總之我唔會做對唔住fans嘅事，劇情方面我就唔透露太多。」

望如期去瑞士拍外景

提到《白色強人II》卡士強勁，馬明笑言眾人戲份分配十分平均，而且每個角色立場不同。馬明與定欣表示劇組構思到瑞士世衞總部及深圳拍攝外景，但要視乎疫情才知是否成行，他們都希望能如期出發。若屆時疫情好轉，劇組去瑞士拍外景，問馬明會否帶女友湯洛雯去當地影婚紗照？他趁機否認求婚傳聞：「其實我都知大家好心急，但我真係無時間求婚，如果有任何消息我一定會講，唔會透過雜誌去公布。」

採訪︰Pauline

攝影︰林良明

編輯：李潔盈

美術：梁政敏