江美儀變「講素」KOL

江美儀早前與三姐（蕭秀香）一齊主持烹飪節目《女人必學100道菜》，美儀從構思到示範多款素食菜式，成功吸納一批粉絲。昨日她到九龍塘一間超市即場炮製植物肉生菜包，吸引市民圍觀。美儀承認自從煮食節目播出後，接多了同類活動，稍後更會在YouTube開設煮食頻道，她表示：「呢個頻道每星期做一次，主要係希望同大家傾下偈、講生活，同埋分享煮食心得。每次教煮一個餸，我煮嘅都係素菜，有時都好明白素食者，好難煮餸畀其他人食。」至於《女人必學100道菜》會否添食？她說要等公司安排。

此外，提到林子博太太董燕君不幸離世，美儀不禁心情低落：「睇住佢兩公婆拍拖、結婚生仔，希望子博可以振作，兩個小朋友亦都好生性。」

採訪：Pauline

攝影：林良明