黎耀祥被屈向記者爆料

黎耀祥與阮兆祥在清談節目《雙祥見》中，大談被出賣的經驗。黎耀祥當年拍攝一部古裝劇，有位男演員要求多多，後來消息外傳，令黎耀祥慘成爆料嫌疑犯。

黎耀祥說︰「報紙大字標題寫某某好麻煩，當時好多人話係我講，我梗係知道唔係自己，但又唔知邊個講，連被爆料嘅當事人都以為係我，因為佢言語上單打我。」後來他才得悉是另一演員所為。