蘇麗珊開按摩店趁勢公開戀情

蘇麗珊有份投資的按摩店昨日在九龍城開幕，心情靚爆的她更首度拖男友Kenny現身，圈中好友林德信、梁釗峰等亦有到賀。蘇麗珊起初提到新戀情相當怕羞，及後才大方拖男友合照。她表示︰「現時仍係發展階段，係唔會停嘅熱戀期。其實我喺上年去美國前（與舊愛）分手，返嚟隔咗一陣，畀自己沉澱下，咁啱又遇到一個可以試下。男友係圈外人，大我五、六年，有投資生意，好有才華。」

談到疫情下投資生意，蘇麗珊稱這段日子大家都感到壓力，需要地方來放鬆心情，故投資約六位數字開店。她笑稱︰「按摩一定會放低電話，暫時離開啲煩惱，逆市投資無得驚咁多。（考慮做生招牌？）我同管理嘅同事講幫手聽電話，但按摩就未夠班。」