蘇玉華嫁潘燦良 圓阿媽心願

蘇玉華昨日出席關注卵巢癌活動，她五月時與潘燦良入紙註冊結婚，結束25年愛情長跑。榮升潘太的阿蘇笑言只愛結婚，不愛舉行婚禮，又透露結婚儀式在律師樓舉行，在雙方家長見證下簽紙及交換戒指。她笑言新婚夜入住香港的酒店振興經濟：「到咗我哋呢個年紀，深深體會到唔需要喺特別日子先做某啲事，疫情下我哋當咗每一日係最後一日咁樣生活，珍惜生命同關愛身邊人。」

阿蘇笑言結婚是完成母親的心願：「媽咪好傳統，希望個女有名份，佢仲開心過我。」她笑言被傳媒踢爆秘密入紙後，立即致電母親報喜：「當時我未同媽咪講，即刻飯都唔食打畀佢。我唔想阿媽由其他師奶口中知道先，佢實會嬲死，因為咁太不孝啦。」

攝影︰林良明