張栢芝否認大肚︰依家同將來都唔會有

張栢芝日前為自家品牌拍宣傳照時，因肚凸凸被傳陀第四胎。栢芝昨日在IG上載自拍片，透露中午帶細仔張禮承（Marcus）外出時遇記者追訪，但當時她孭住囝囝十分狼狽，故沒有回答懷孕傳聞。栢芝說︰「如果有咗，個肚又凸，無可能孭住咁大條孭帶，仲孭住個咁重嘅仔，孕婦一定唔會咁做。」她強調︰「話我有BB肯定無，一定無，依家無，將來都唔會有，夠喇，唔生喇！總之肯定無BB，其實都幾fit㗎，依家個身形。」

而栢芝前夫謝霆鋒，近日忙於錄製《中國好聲音》。新一集中，霆鋒與導師李健爭奪一位新學員，因該學員愛吃，令霆鋒以為自己有機會，怎料該學員決定加入李健隊伍，霆鋒即作「噴血」狀，表示自己很受傷，十分搞笑。