《愛•回家》賈名媛「疫」市發圍 邱芷微開心搵外快

在處境劇《愛．回家之開心速遞》中飾演「賈名媛」的邱芷微（Chelffy），早前自爆患上類風濕性關節炎，而她最近獲澳洲潤膚品牌邀請拍廣告，並擔任形象代言。邱芷微坦言年輕也要關注健康，對於「疫」市有工開，相當感恩。

邱芷微首次擔任潤膚品牌代言人，她笑言︰「可能我啲皮膚黑，所以之前一直無人搵我，其實喺疫情下有廣告拍已經好好。」Chelffy承認加入《愛．回家》後，的確帶挈她增加不少工作，而今次拍廣告更有接近六位數字酬金，她表示作為獨立藝人，通常接洽工作都要靠自己，「賈名媛」竟苦笑謂︰「條路真係唔易行！」

提到因為免疫系統問題而導致類風濕性關節炎，今年六月她發現一雙手其中兩隻手指的筋腱出問題，幸好及早發現接受治療。邱芷微解釋︰「其實並非家族遺傳，因為長期勞損，初時手指郁動唔靈活，之後做針灸及中醫調理，目前情況尚可。（要長期覆診？）目前一星期睇兩次中醫，主要睇白血球嘅指數有無下降，如果情況好轉，就可以暫停服藥。」問到男友可有照顧她？邱芷微笑言︰「其實佢係最適合照顧我嘅人，因為佢屋企人都有呢個病，所以識得點樣去照顧病人，有時搬重嘢，佢都會落手落腳，唔使我操勞。」

拍微電影奪銀獎

此外，邱芷微早前與徐浩昌（肥腸）演出微電影《美麗新世界》，結果她在《微電影「創+作」支援計劃（音樂篇）》得獎，成為初創企業組女主角銀獎得主。問她慶祝了沒有？Chelffy表示疫情加上限聚令，暫時未有機會跟工作人員食飯慶祝，希望待疫情放緩後才開開心心聚一聚。

採訪︰Pauline

編輯︰陳禮恒

美術︰梁政敏