與網民罵戰？ 港姐廖慧儀︰唔知點解被攻擊

今屆港姐十強昨日齊集電視城，在星級排舞師Sunny Wong指點下排舞。當中以有舞蹈底子的大熱②陳楨怡及④郭柏妍表現最好，其他佳麗舞姿則略為生硬。至於風頭躉⑥廖慧儀被指在IG與網民開戰，她解釋說︰「我唔知點解被人攻擊，但我無反擊，有人不停留言惡意批評，我只係回覆叫對方『加油』。」提到男友留言反擊網民？她說︰「我都叫男友唔使講咁多，但佢忍唔住。」至於她留言叫網民「讀多啲書」，她解釋︰「我意思係可能有啲唔係香港人，佢哋寫嘅中文我睇唔明，所以善意叫佢哋學多啲字。」擔心得罪網民影響投票？她表示︰「我唔會太擔心，因為憎我嘅人，就算我做乜佢哋都唔會鍾意。」

同場的陳楨怡及郭柏妍笑言，不擔心決賽當晚「發台瘟」忘記舞步，陳楨怡說︰「我哋企喺隔籬，如果真係唔記得，到時都會互相提醒。」至於早前「拗柴」受傷的⑧謝嘉怡，表示傷勢已好轉，希望不會影響比賽；適逢昨天是她的25歲生日，謝嘉怡笑言想以奪冠作為禮物。

採訪︰Pauline

攝影︰林良明