勁減10磅孫慧雪穿3歲囝囝衫曬命

現年38歲的孫慧雪，育有三歲兒子Riley。不過她當年生下囝囝後，曾暴肥至147磅，後來靠節食及運動，體重回落到120磅。為免再做「肥師奶」，孫慧雪早前的起心肝，以半生酮飲食法減肥，結果一個月激減十磅，就連囝囝的童裝都着得落。

前日，孫慧雪在網上曬成果，相中的她穿了Riley的衣服，盡騷小纖腰，上圍明顯逼爆：「減肥其中一個好處，就係可以同個仔share衫着，年中都慳唔少！#減肥好處多#有無媽媽同我一樣#攞個仔啲衫着 #一起加油」。但網民錯重點，留言讚她「好豐滿」、「好澎湃」。