拍《三十而已》人氣升 高海寧想進軍內地市場

高海寧（高Ling）與湯怡昨日宣傳新劇，二人不約而同曬美腿示人。高Ling昨日穿上低領連身裙，玩遊戲彎腰時，春光乍洩露事業綫，她笑說︰「好耐無着裙，下次會小心啲，同埋會黐膠紙。」高Ling演出內地大熱劇《三十而已》，因掌摑女主角江疏影而受注目，更有網民依照劇中高Ling的電話號碼致電「找晦氣」，結果令該號碼的真正主人受騷擾。高Ling說︰「其實只係0.1秒嘅鏡頭，個號碼我求其填。我想同事主講聲唔好意思，騷擾到人哋，我都有責任，但事主無嬲，仲因為咁而去捧場。」她開心指劇集播出後，有內地製作公司找她演出︰「睇公司安排，有機會都想試下（開拓內地市場）。」

同場的湯怡在《反黑路人甲》的「眼鏡娘」造型獲讚夠清純，出場時轉身一幕更似足洗頭水廣告，湯怡笑說︰「我都好想拍洗頭水廣告呀！」她預告稍後會播出她跟王浩信的親熱戲，比之前的床戲更激，她說︰「呢場戲比起我同陳家樂喺《死因無可疑》嘅床戲更激，我同陳家樂太熟，做對手戲無乜感覺；反而浩信氣場太勁，搞到我提心吊膽。」

攝影︰林良明