後悔曾拒絕發哥約跑步 周家怡：想搵刀插自己

周家怡日前接受彭秀慧主持的香港開電視節目《自煮女人最漂亮》訪問，近年跟隨周潤發（發哥）跑山的她，自爆曾經請發哥「食檸檬」，事後她曾後悔不已。

現年41歲的周家怡，前年與偶像周潤發合作拍電影《無雙》，她和一眾台前幕後在發哥薰陶下，每星期都會去跑山。不過周家怡在節目中透露，她過往嗜酒又愛夜瞓，隨着年紀漸長，她逐一改善生活陋習︰「突然間，好似緣分到咁，開始想要愛惜自己。首先要早瞓，依家嘅我11點瞓覺都覺得夜，然後每一件事慢慢開始︰茹素、做運動。依家嘅我，會朝早五點起身去跑步。」

不過周家怡坦言，自己並非熱愛跑步，只是為跑而跑，所以感覺比較辛苦。她透露有次跑步時遇見發哥，但竟然請對方「食檸檬」︰「發哥問我有無興趣一齊跑，但我話我跑唔嚟。之後好多人話羨慕我可以同佢一齊跑步，我返到屋企真係想搵三把刀插自己，我何得何能拒絕周潤發。」

為一隻鴨茹素

提到茹素習慣，周家怡笑言因為一隻鴨開始︰「有日我睇到一條好有趣嘅片段，講述有個人喺屋企後園飼養咗隻鴨仔，佢拋一隻拖鞋出去，跟住隻鴨呱呱叫咁將拖鞋執返嚟。睇完條片，我覺得動物好有靈性，由嗰時開始轉咗茹素。」此外，周家怡透露在疫情期間，趁空閒不時入廚，難怪拍攝期間她表現有板有眼，煮飯手勢純熟。

撰文︰倪小珊

編輯︰李潔盈

美術︰梁政敏