台灣隔離刨劇本 姜濤開Live唔講嘢畀花姐寸

男子組合MIRROR成員姜濤及邱士縉（Stanley），日前到台灣拍攝偶像劇，由於疫情關係，他們抵達台灣後，獲安排在酒店房接受14天自我隔離，待完成後才正式開工。姜濤前晚突然「快閃開Live」15分鐘，對着鏡頭卻沒有說話，但大批「姜糖」已感滿足。

經過四日隔離生活的姜濤，前晚突然開Live，見他戴上眼鏡及黑色口罩，坐在書枱前一邊聽歌，一邊睇劇本。姜濤在直播中沒有講話，只向鏡頭揮手打招呼，又不時收看粉絲回應。在大批留言中，經理人花姐（黃慧君）及MIRROR隊友都有留言，而且非常抵死，呂爵安（Edan）問姜濤︰「隔離唔講得嘢㗎咩？」花姐更笑言︰「老姜，你悶死未？隔離幾日，連嘢都唔識講？」花姐又插口說︰「Edan…你都要去隔離，學習靜啲。」而Anson Lo（盧瀚霆）則以英文留言，叫姜濤出句聲。

與家人分隔最長時間

雖然姜濤在15分鐘全程不發一言，但仍吸引逾2,000名粉絲捧場。有人以為姜濤播完歌會說話，有「姜糖」笑指︰「二千幾人睇你表演唔講嘢。」、「唔出聲都好正！唔介意晚晚陪你睇劇本㗎！」亦有粉絲叫姜濤到台灣拍劇加油︰「好好把握機會，展示你的實力。」姜濤早前表示今次拍劇，預計在台灣逗留四個多月，是離開家人最長時間的一次。

同樣在台隔離中的Stanley亦在社交平台po相，笑指隔離生活「悶到就嚟生菇」。

撰文、編輯︰陳禮恒

美術︰梁政敏