香港最具吸引力僱主 太古地產奪冠

香港人生活壓力大，其中工作壓力唔少人都要面對，所以最幸運嘅打工仔，一定係搵到個好僱主！黛安知道喺國際人力資源機構Randstad舉辦嘅2020年僱主品牌調查，太古地產今年攀升至首位，獲評選為香港最具吸引力僱主！

Randstad透過呢項年度調查，選出最具吸引力僱主，並了解受訪者最熟悉同最想入職嘅機構。原來自2017年起，太古地產喺呢個調查一直位居三甲，今年調查入面受訪者對太古地產財務健康狀況、工作保障同事業晉升機會等都給予好評，使太古地產今年榮膺榜首。

太古地產人力資源董事唐安娜話，過去幾年推出多項新措施，進一步貫徹以人為本理念，包括彈性工時安排及職場休假計劃等；而面對新冠病毒疫情，公司政策亦以同事利益為依歸。太古地產咁為員工着想，攞第一絕對實至名歸！