忽然「已婚」 余香凝：廖子妤係我老公！

余香凝（Jennifer）、廖子妤及麥子樂前晚出席電影《打噴嚏》首映，日前度過27歲生日的Jennifer，問到生日願望是否想拍拖，她即搞笑指已經找到「老公」，原來是近來憑ViuTV劇集《地產仔》人氣急升的「魚哥」廖子妤！

余香凝笑言連日與很多朋友慶生，已切過六、七個蛋糕：「年紀開始大，連日感覺有啲攰，生日願望想事業更加好。」問單身的她想不想拍拖？她即講笑說：「我已經搵到『老公』啦，咪就係廖子妤囉！感情隨緣啦，我比較想整走個肚腩先，我瘦咗個肚腩仲喺度。」

問Jennifer會否跟同樣單身的麥子樂發展？她即踢爆麥子樂睇中余媽媽：「有次子樂見到我媽咪張相就讚好靚，後尾佢見到我媽咪真人，賣口乖話似家姐。」麥子樂亦不會視Jennifer為發展對象：「因為我驚高過我嘅女仔！」

中性打扮狂吸粉絲

同場的廖子妤在《地產仔》中扮演地產經紀「魚哥」，因形象中性而人氣急升。她前晚再以中性打扮出現，她笑言這樣穿搭會較有自信：「我着到咁會無咁緊張，着咗束衣好似有個盔甲咁，有保護感覺。」她又指不論男女都在社交網留言叫她「老公」：「雖然唔係追求我，但覺得好得意。」

採訪︰Pauline

攝影︰林良明

編輯：李潔盈

美術：梁政敏