決定重返無綫 胡定欣與馬國明拍《白色強人2》

胡定欣昨日到柴灣拍攝健康食品廣告，早前盛傳她進軍影壇，但受疫情影響計劃，她承認將留在娘家無綫，今年底更與舊愛馬國明開拍新劇《白色強人2》。

胡定欣連續第八年與健康食品品牌合作，昨日並與一名九個月大的BB一齊拍廣告，她透露每次續約酬勞都有遞增，而且連身邊朋友亦受惠。定欣笑言︰「我成日都送啲健康產品畀朋友，好似有小朋友嘅胡杏兒，同埋就快做爸爸嘅陳山聰，始終拍劇要捱更抵夜。」對於新廣告中與BB合作，定欣透露早前榮升姑媽，閒時都有幫手照顧胞弟的BB，她說︰「我有幫手餵夜奶㗎，所以好佩服做母親嘅偉大。」

前年，胡定欣首次演出電影《逆流大叔》，之後一度盛傳她約滿無綫後，將加盟古天樂旗下公司向電影圈發展，不過停工近兩年的她，昨日透露將重投無綫懷抱。她表示︰「依家同無綫都傾到尾聲，不過要等適當時候再公布，始終無綫呢個平台畀到藝人好多機會。（係咪市道唔好唔敢往外闖？）每個階段都有唔同諗法，要睇個大環境，都要選擇同諗清楚，我都觀察咗好耐。（唔簽古天樂？）我有咗決定，依家清晰咗，個心都定落嚟。」

讚舊愛與湯洛雯合襯

定欣透露年尾將演出TVB新劇《白色強人2》，再度與舊愛馬國明合作，她表示︰「好期待同佢（馬明）再合作，上次係三年前嘅《宮心計2深宮計》，今次嘅對手戲仲多過上次。」對於馬明高調認愛湯洛雯，定欣十分替對方開心，她說︰「我知道呀，郎才女貌，但就無特登恭喜佢哋，見到面先啦。」

此外，莊思明前日在拍劇期間，外景車上的手袋被偷去，信用卡被碌了五萬多元，賊人最後被捕，定欣表示︰「銀包同貴重物品，我都盡量跟身，試過搵有鎖嘅箱鎖起物品，銀包亦唔好放咁多現金，保障自己。」

採訪︰倪小珊

編輯︰陳禮恒

美術︰梁政敏

攝影︰林良明