熱戀林作 未獲林母支持 失婚裕美被封「潘金蓮」

裕美日前被踢爆與麥明詩舊愛、前執業大律師林作拍拖大半年，惟戀情未獲林媽媽的肯定，林母欲「棒打鴛鴦」。裕美昨日接受《晴報》電話訪問，自爆因過往的黑歷史而被網民封為「現代版潘金蓮」，她懶理謂︰「我唔介意，只介意身邊人點睇我。」

31歲的失婚裕美戀上30歲林作，掀起全城熱話，無論學歷或身世，裕美都被指與林作門不當、戶不對。02年入行的裕美，會考零分，跟林作前度「十優港姐」麥明詩可謂差天共地，加上裕美感情生活多姿彩，除了曾跟林恩浩經歷一段婚姻，又與黃子恆傳過緋聞。

有指林作多次送戒指向裕美求婚，但林媽媽認為林作對這段情只是玩玩下。裕美昨日在林作家中接受本報電話訪問，對於被林媽媽「無視」，裕美強調︰「我唔擔心佢（林媽媽）唔接受我，因為我同佢無真正認識過，又點會知道對方為人係點？希望有機會同佢單獨傾下偈。（會否登門拜訪林媽媽？）搵個機會，講啲咩就順其自然，唔會刻意製造話題，亦唔會刻意討好對方，總之做番自己。」

同林作有愛無性

對於外界盤點她的緋聞情史，裕美承認傳統長輩都不喜歡離過婚或戀愛經驗太豐富的女人，但她強調過去很多緋聞都不是真的，更自爆︰「啲網民形容我係『潘金蓮』，我有呢個『朵』一啲都唔介意，只係介意身邊人點睇我。其實我媽咪係失婚，林作媽咪都係失婚，大家應該有共鳴，睇下佢接唔接受個仔同我一齊。」

林作曾說過喜歡裕美的人品好，裕美反指：「我係咪好人，唔敢講，但我份人唔會修飾，對任何人都好真心，我真係無乜戒心，點知林作話我『戇X』。」

此外，身為基督徒的裕美正修讀神學，面對血氣方剛的林作，她稱接吻沒問題，但就一定拒絕婚前性行為，「坦白講，我年紀較大，真係無乜需要，佢需要時，我就叫佢去廁所解決，佢仲話好享受自己解決，因為唔使咁攰，所以我哋好夾，哈哈！」

撰文︰倪小珊

編輯︰陳禮恒

美術︰梁政敏