Home square年度家居折 推筍貨網上預留夠貼心

最近大家留喺屋企時間多咗，係咪想改造下自己嘅家居呢？想慳住荷包幫屋企改頭換面，就一定要留意HomeSquare年度盛事「香港家居折2020」喇！黛安收到風，佢哋精選咗超過5.8萬件品味家具同家品，以低至$1、$100同1折筍價，由7月12日至8月12日限量獨家發售，今年仲首推筍貨網上預留服務㖭！

今次呢個預留服務夠晒貼心，只要喺7月8至10日期間登入「Smart Buy筍貨預留專頁」，選取想預留嘅貨品，連同登記姓名、電話同電郵，成功登記者即可換領「預留證」，預留一連3日推出嘅唔同限量貨品，成功登記同買到心水家品，仲可以獲贈購物現金券乙套㗎。

此外，7月12日開售日仲有連串筍貨，好似1折激筍價發售嘅瑞士JURA A1全自動咖啡機、大型實用傢俬如真皮梳化等，仲有1折名牌床褥、餐枱、餐椅等，到時記得去尋寶喇！