報答監製返TVB拍劇 周家怡不問酬勞

周家怡重返無綫拍攝重頭劇《兒童醫院》，與鄭嘉穎、羅仲謙、馬國明及鍾嘉欣等合作，家怡前晚在活動中表示︰「今次拍劇全因為《導火新聞線》導演方俊華同編劇潘漫紅，我好開心再拍佢哋嘅劇，當年佢哋開劇都有搵我拍，所以對今次嘅合作相當期待。」

問家怡可有衣錦還鄉的感覺？她笑言︰「講咩衣錦還鄉呀？不過今次返去拍劇真係有好大感覺，最緊要係拍到一部大嘅作品。」記者取笑她以前拍醫生題材的劇集都是演護士，今次終於「升呢」做醫生，她直認過往拍醫生劇從未入過手術室，今次可一嘗箇中感覺。至於酬金是否吸引？家怡強調今次不問酬勞，最重要同方俊華、潘漫紅合作愉快，加上遇到好劇本及好對手，劇集預計七月開工。問她今次拍劇有否特別要求，例如休息時間？家怡表示劇組會採用拍電影的手法，預計拍攝過程比較舒服。

採訪︰Pauline

攝影︰林良明