黃依汶水煮牛肉收服兩父子

黃依汶應邀出席香港開電視節目《娛樂頭條》新環節「明星教室」，依汶化身「廚房達人」教主播植詠珊炮製拿手川菜「水煮牛肉」，不過，因為現場收音關係，所以沒有開啟抽氣扇，結果二人被辣味嗆得眼淚直流兼狂打噴嚏，依汶笑言︰「煮呢道菜，我嘅秘技係戴口罩！」以往從來不入廚房的依汶，現在已練得一手好廚藝，她自豪表示︰「以前媽咪成日話擔心我，佢話我唔識煮、又唔識做家務，生咗小朋友都唔知點樣照顧佢哋！依家我可以同番媽咪講︰『都話唔使擔心㗎啦！』」其實依汶精通廚藝，部分原因是受到老公陳國坤影響，她讚賞有加說︰「好似切嘢咁，點樣拎刀、點樣切，都係佢教我嘅！」

依汶和陳國坤婚後育有一子陳真，一家三口生活樂也融融，依汶偶然會下廚煮兩味逗兩父子開心，提到其拿手小菜「水煮牛肉」，依汶得戚表示︰「我學識煮呢味餸後，頭兩個月佢哋幾乎日日叫我煮！」可見這道菜應該相當有水準。