胡楓自認偏心 孫兒地位超越仔女

明晚舉行大型籌款節目《萬眾同心公益金》，胡楓（修哥）、姜大衞（John哥）、Joe Junior和謝雪心，昨日在電視城為表演環節「養生太極有善耆」綵排，眾人跟隨李暉師傅耍太極，88歲的修哥太極馬步強而有力，果然寶刀未老！

眾人跟李暉師傅學耍太極，修哥和John哥謙稱太極高深不易學，他們都只是略懂少許。修哥說︰「聽聞耍得慢才叫精湛，耍得快反而唔好。我平時很少耍太極，周身郁就當運動。」John哥則喜歡以紮馬來鍛練體格。

提到父親節將至，問他們可知道當日怎樣慶祝？兒孫滿堂的修哥帶笑表示︰「呢個我唔理㗎，等啲仔仔女女發辦，叫我去東就去東，叫我去西就去西，都係聽佢哋指示。」在旁的John哥亦點頭附和，總之仔女的安排都是最好的，作為父親，當天跟隨子女安排就足夠。修哥又稱，如果屆時仍實施八人限聚令，一家人外出食飯不介意分枱坐，「八個人一圍，咁要擺三圍先夠坐！」

要求慶祝祖父節

修哥和John哥非常風趣，兩人說要「投訴」只有父親節，卻偏偏沒有祖父節！修哥更笑說︰「做咗爺爺和公公，先知有幾愛錫啲孫仔，真係仲錫得多過自己啲仔女呀。」此外，John哥的子女都長大成人，女兒姜依蘭與曹永廉結婚，育有一子一女，問他是否渴望24歲細仔姜卓文帶女朋友見家長？John哥笑說︰「佢依家無拍拖，雖然無同我講，但我睇得出。」

撰文︰Pauline

攝影︰林良明

編輯：陳禮恒

美術：梁政敏