自認接吻經驗少 胡鴻鈞想搵蔡思貝練咀戲

胡鴻鈞與譚凱琪昨日出席抗疫活動，日前一集《降魔的2.0》中，胡鴻鈞飾演的「豪仔」強吻鄧佩儀，他笑說：「唔係強吻，係雙方你情我願，相信佢好開心，我直頭三生有幸啦。」身旁的譚凱琪取笑說：「有無畀人扭耳仔？」與蔡思貝傳緋聞的胡鴻鈞即說：「邊個？我媽咪？佢只會話我演得未夠好。」

胡鴻鈞表示今次並非熒幕初吻：「不過我現實中咀嘴經驗唔多，希望多啲機會練習，不過未有練習對象。」搵緋聞女友蔡思貝練習？他搞笑說：「佢（蔡思貝）演戲好有心得同經驗，所有關於拍戲嘅，都會向佢請教。」而譚凱琪分享拍咀戲心得：「前輩教咀嘴時好似食緊嘢、咬緊嘢咁，睇落投入啲。」她指老公接受能力高，劇情合理的話，會容許她拍接吻戲。」