合作拍廣告 黃建東狂摸人夫王敏德

充滿搞笑細胞的黃建東，最近與型佬王敏德（Michael）合作拍廣告，黃建東戴上長長假髮扮豬肉佬外，又瞇眼嘟嘴扮美國總統特朗普，造型爆笑。黃建東笑說：「好耐無扮鬼扮馬，同推出自家製作嘅搞笑片，好開心今次可以過足扮嘢癮。我之前未扮過特朗普，所以睇咗好多佢嘅片段做功課。」黃建東開心與Michael合作：「Michael真人非常nice，希望合作完我嘅型男指數可以上升丁點。」

廣告中，黃建東不停向Michael「抽水」，狂摸對方的麒麟臂，令Michael忍不住說：「我結咗婚啦。」黃建東笑說：「呢個係我哋臨時即興諗嘅，睇下我同Michael有咩火花，所以就jam咗翹手曖昧環節。」而Michael笑言要事先通知老婆馬詩慧備案，十分搞笑。