傳舊愛好事近 岑杏賢唔會同袁偉豪鬥快結婚

岑杏賢（Jennifer）16年跟袁偉豪分手後，今年二月認戀加拿大籍金融才俊Kelvin，拍拖大半年感情穩定。對於舊愛袁偉豪與女友張寶兒花近7,000萬元聯名買豪宅，更盛傳將於年尾結婚，Jennifer昨日說︰「我都唔知佢係咪結婚。」

岑杏賢昨日與郭田葰、區永權出席無綫新節目《恐怖真相》記者會，她透露在節目中將會充當「白老鼠」，試飲七款用不同質料的鑊所煲出來的「鑊底水」。Jennifer表示︰「唔同質料嘅鑊，煲出嚟嘅水有唔同味道，有啲係生鐵味，有啲甚至係坑渠味，真係飲到嘔。」

她自爆一拍完節目，忍不住花了萬多元，將自己家中的廚具換走：「連男朋友屋企嗰啲都換埋。」只要和男友同居，便可以慳回一筆？她說︰「可惜已買咗兩套，不過我哋都有（同居）呢個計劃。（要快過袁偉豪結婚？）結婚唔應該同人鬥快慢，我都唔知道佢係咪結婚。」

郭田葰變「人肉診所」

郭田葰與Jennifer一同主持《恐怖真相》，入行前任職急症室醫生的郭田葰，表示在疫情下，不少友人紛紛請教他相關資料：「我由十個『問診』短訊增加到接近30個，做咗『人肉診所』。」另外，無綫新聞台日前誤報K3至小三不復課，身為家長的區永權即求網民幫手fact check，他昨日說︰「其實都唔算被騙，家長緊張復課消息都正常，知道咗就OK。」

撰文︰倪小珊

編輯︰李潔盈

美術︰梁政敏