為老婆慶生 黎諾㦤飲到斷片兼全裸

黎諾懿昨日出席無綫活動，透露日前為太太李潔瑩慶祝生日，撑枱腳食日本菜慶祝。他笑說：「咁啱餐廳老闆娘係太太中學同學，大家一齊食飯飲酒，結果我飲醉咗返屋企。」他笑言飲到斷片：「第二日瞓醒發現自己光脫脫瞓喺梳化，得條毛巾遮住，但唔知毛巾係太太定菲傭姐姐幫手遮。」

問諾懿送了甚麼生日禮物給太太？他搞笑說：「我份糧大部分都畀咗老婆，無錢買名貴禮物，希望送個囡囡畀太太！」他坦言希望造人成功：「依家未有聲氣，阿仔喺我好忙拍劇嗰陣中嘅，今次可能要好忙先得。」

攝影：林良明