唔想小春雞變二世祖 黎諾懿炒股曾蝕過百萬

在新冠肺炎疫情下，不少藝人的工作量大減。黎諾懿非常幸運，前日應邀出席保險產品發布會，他自爆年輕時聽從別人的「內幕消息」投資股票，結果試過慘蝕過百萬元積蓄，更差點令他一鋪清袋。

黎諾懿是圈中出名的好好先生和「暖爸」，他入行前曾任職會計，處事精打細算，投資方面都主打「穩陣派」，但原來他曾在股票市場損失過七位數字。黎諾懿前日應邀出席富衛保險發布會，由於受疫情影響，大會改以視像直播跟一眾嘉賓及理財顧問分享投資心得。

黎諾懿在投資股票曾留下慘痛經歷，他自爆一段「黑歷史」，「20幾歲時，太進取又好冒險，學人買仙股、消息股，只要有人話有內幕消息，我就會投資，結果有次輸咗過百萬，仲爭啲一鋪清袋，當時好肉赤，惟有從失敗中汲取教訓。」

恨生女預咗寵壞

現時要養妻活兒，黎諾懿在投資方面自然變得審慎，問他可有為囝囝黎峰睿（小春雞）準備儲蓄基金？他即「嚴父」上身稱︰「我哋只係幫囝囝買咗醫療保險，但儲蓄基金、教育基金都無買，作為父親，除咗基本生活所需外，唔會畀佢太多嘢；我想訓練佢嘅獨立性，作為男仔，好多嘢應該靠自己爭取，長大後有嘢想買，就自己去想辦法賺錢。喺呢方面我同太太嘅方向一致，唔想小春雞成為二世祖。」

然而，提到將來若然「追女」成功，黎諾懿的態度即180度轉變，他笑稱︰「女係要嚟『寵』嘅，如果有個女，我一定會將所有東西畀晒佢。」諾懿顯然偏心。

撰文︰倪小珊

編輯︰陳禮恒

美術︰梁政敏